لاک ڈاون میں چھلکا ٹی وی اداکارہ کا درد، کہا- اب تو اپنے پیسے مانگنے میں بھی آرہی ہے شرم

لاک ڈاون میں چھلکا ٹی وی اداکارہ کا درد، کہا- اب تو اپنے پیسے مانگنے میں بھی آرہی ہے شرم

لاک ڈاون (Lockdown) شروع ہونے سے پہلے ہی مہاراشٹر میں سبھی طرح کی شوٹنگس پر پابندی لگ گئی تھی اور مارچ کے آغاز سے ہی سیریلس (TV Serials) اور فلموں کی شوٹنگ بند ہے۔ لاک ڈاون ابھی جاری ہے اور آگے کیا ہوگا، کسی کو معلوم نہیں

ممبئی: کورونا وائرس (Coronavirus) کے سبب ملک کی معیشت کے ساتھ ہی بالی ووڈ (Bollywood) اور ٹی وی (Television) اداکاروں کی اقتصادی حالت کی کشتی بھی ہچکولےکھا رہی ہے۔ اکثر جگمگاہٹ بھری دنیا کے ان ستاروں کی زندگی میں پریشانی جیسی چیزیں ان کے مداح کم ہی دیکھتے ہیں، لیکن لاک ڈاون نے اب کئی لوگوں کی پریشانیاں بڑھا دی ہیں۔ ایسے میں ایکتا کپور کے ٹی وی شو ’یہ ہیں چاہتیں’ میں منفی (نگیٹیو) کردار نبھانے والی اداکارہ ایشوریہ سکھوجا (Aishwarya Sakhuja) ان دنوں کافی پریشان ہیں۔ ان حالات میں ایشوریہ کافی پریشانی اور اقتصادی پریشانی محسوس کر رہی ہیں۔

ایشوریہ نے ای ٹائمس ٹی وی سے بات چیت میں اپنی تشویش ظاہر کرتے ہوئے بتایا کہ اس وقت سارے شو آف ایئر ہوچکے ہیں۔ حالانکہ ان کے مقابلے ان کا شو ’یہ ہیں چاہتیں’ سیف زون میں ہے۔ واضح رہے کہ ٹی وی ستاروں کو اکثر تین ماہ کے وقفے میں ان کی فیس ملتی ہے۔ ایسے میں اپنا پے چیک لینے پر ایشوریہ نےکہا، ’حالات ایسے ہیں، جو کام کرچکے ہیں، اب تو اس کے لئے بھی پیسے مانگنے میں شرم آرہی ہے، کیونکہ اس وقت ہر کوئی مشکلات کا سامنا کر رہا ہے’